ICC World Cup Pakistan Team Saffron: ५ ऑक्टोबरपासून सुरू होणाऱ्या आगामी ICC विश्वचषक 2023 साठी पाकिस्तान क्रिकेट संघ ७ वर्षानंतर भारतात दाखल झाला आहे. कर्णधार बाबर आझमच्या नेतृत्वाखाली ३३ सदस्यीय तुकडी बुधवारी रात्री हैदराबादला पोहोचली. बाबर, शाहीन शाह आफ्रिदी, हरिस रौफ, मोहम्मद रिजवान अशा स्टार क्रिकेटर्सना पाहण्यासाठी विमानतळावर शेकडो क्रिकेटचे चाहते उपस्थित होते. सलमान आगा आणि मोहम्मद नवाज वगळता उर्वरित संघ आयुष्यात पहिल्यांदाच भारताला भेट देत आहे.
राजीव गांधी आंतरराष्ट्रीय विमानतळावरून टीम हॉटेलपर्यंत सुरक्षा अधिकार्‍यांनी या पथकाचा कडेकोट बंदोबस्त ठेवला होता, जिथे कर्मचाऱ्यांनी त्यांचे पारंपारिक पद्धतीने स्वागत केले. स्वागताच्या दरम्यान हॉटेलच्या कर्मचार्‍यांनी खेळाडूंना वेगवेगळ्या नक्षीदार शाली बहाल केल्या. यावेळी बाबर व अन्य काही खेळाडूंना भगव्या रंगांच्या शाली देण्यात आल्या होत्या. हे दृश्य पाहून नेटकरी मात्र खूपच खुश झाले आहेत.
भगवा रंग आणि हिंदुत्व हे नातं मागील काही वर्षात प्रचंड चर्चेत आहे. भगवा रंग केवळ भारतीय ध्वजातच नाही तर सत्ताधारी भाजप आणि इतर हिंदूत्ववाडी पक्षांच्या ध्वजात सुद्धा आहे. यामुळेच नेटकऱ्यांनी पाकिस्तानी संघावर खुलून दिसणारा भगवा रंग पाहून मीम्स पोस्ट करायला सुरुवात केली आहे.
बाबर आझमच्या खांद्यावर भगवा पाहून इंटरनेटवर मीम्सचे षटकार
दरम्यान, २०१६ मध्ये आयसीसी टी-20 विश्वचषक स्पर्धेसाठी पाकिस्तानने शेवटचा भारत दौरा केला होता. पाकिस्तानने आधीच उप्पल येथील राजीव गांधी
Sumber www.loksatta.com
